10 нчы ноябрьдә илебез Полиция көнен билгеләп үтте. Хокук сагында торучыларның тырыш фидакарь хезмәтенә югары бәя бирелде, алар адресына җылы сүзләр әйтелде. Бәйрәм уңаеннан муниципаль район башлыгы Н.Закиров үз котлауларын юллады. Анда: "Ил тарихы елъязмасында хокук сакчылар аерым урынны алып тора. Алар - гражданнар сугышы, коллективлаштыру елларында, аннан соңгы авыр чорларда Ватан иминлеген саклауда күп көч куйган кешеләр. Заман алга нинди генә проблемалар тудырса да, эчке эшләр органнары хезмәткәрләре үз алларына куелган бурычны намус белән үтәп килделәр һәм киләләр. Һөнәри исемнәре үзгәртелсә дә, эшләренең асылы, хезмәтләренә карата җаваплылык хисе үзгәрешсез калды. Хөрмәтле ветераннарны, бүгенге көндә хокук тәртибе сагында торучыларны профессиональ бәйрәмнәре белән котлыйм, җаваплы хезмәтләрендә уңышлар, гаиләләрендә иминлек телим", - диелә.
|