Сарман ягы - нурлы як

Сабантуйлар үтте, фикерем калды...

Админ — Mon, 17 Jun 2019 07:50:10 GMT

Сарманымда тагы бер сабантуе гөрләп үтте. Әлеге милли бәйрәмгә ныклы әзерлек белән килгәннәре күренеп тора. Ләкин мине борчыган әйбер бүтән. Бәйрәмнәр үтүгә сабантуе булган урын бик күңелсез кыяфәттә чүплеккә охшап кала. Район халкы һәм анда кунакка килүчеләрне гаепләрлек урын бармы монда? Беренче карашка бар! Һәрберебез кечкенәдән үк тирә-якка чүп ташламаска дигән кисәтүләрне ишетеп үстек. Ләкин кайда ташларга соң? Кызганычка каршы, сабантуе үтә торган мәйданда бер генә дә чүп савыты юк. Монда инде гаеп атта да, тәртәдә дә! Шулаймы?

Зур бәйрәм булды

Админ — Sun, 06 Sep 2015 09:00:25 GMT

5 нче сентябрь көнн, район үзәгендәге ял паркында (Ленин бакчасы) Татарстанда парклар һәм скверлар елы уңаеннан зур бәйрәм үткәрелде. Иң элек район Башкарма комитеты җитәкчесе Фәрит Хөснуллин, оешмалар вәкилләре илебез азатлыгы өчен яуларда башларын салганнар истәлегенэ куелган монументка тәкыялар салдылар. Соңыннан бәйрәм ял паркында дәвам итте. Бу көнне төзекләндерү эшләреннән соң паркның ачылуы игълан ителде. Мәдәният хезмәткәрләре, үзешчән сәнгать осталары зур концерт куйдылар, күргәзмәләр, мастер-класслар оештырылды, уеннар уздырылды, сәүдә нокталары эшләде.

Якташыбыз Клара апа Булатованың җиңүе

Админ — Sun, 26 Apr 2015 04:30:30 GMT

Инде менә берничә ел дәвамында Әлмәт шәһәрендә мәктәп укучылары, студентлар арасында Клара Булатова исемендәге премиягә ия булу хокукына бәйге игълан ителеп килде. Бик күп талантлы яшьләр көч сынашты. Әле шуны да әйтеп үтәм: якташ шагыйрәбез Клара апа Булатова үзе дә Тукай премиясенә дәгъва кылучы кандидатлар исемлегендә иде. Иде диеп язам, чөнки кичә президентыбыз Р.Н.Миннеханов фәрманы белән аның кандидатурасы Тукай бүләгенә лаек дип табылды. Без, райондашлар, моңа чиксез шатбыз. Клара апа, уңышларың моның белән генә төгәлләнмәсен, саулык-сәламәтлек телибез. Син мондый бүләккә бик тә лаек! Үзебезнең районда очрашуда көтеп калабыз.

Әлеге тантананың истәлекле мизгелләрен сез шушы сылтама буенча кереп карый аласыз.

Сарман районы картинг буенча соңгы биш ел эчендә иң югары күрсәткечләргә ия булды

Админ — Wed, 17 Sep 2014 12:51:43 GMT

6-7 сентябрь көннәрендә Саба районы Лесхоз поселогының "Маяк" картодромында егетләр арасында картинг буенча XII Татарстан Республикасы Беренчелеге үтте. Татарстанның барлык районнарыннан һәм шәһәрләреннән булган егетләр "Стриж", "Пилот", "125-А", "125-Б" һәм "Honda GX 200" классларында көч сынаштылар. "Стриж" һәм "Пилот" классларында – 8-15, "Honda GX 200" классында – 10-15, "125-А" классында – 13-16, "125-Б" классында 15-18 яшьлек егетләр ярыштылар.Сарман районының "Ялкын" командасыннан "Стриж" классында Сарман гимназиясенең алтынчы сыйныф укучылары Алмаз Ахмедов һәм Риналь Сабиров өченче һәм икенче урыннарны алдылар. Сарман урта мәктәбенең өченче сыйныф укучысы Булат Нигъмәтҗанов бишенче булды."Пилот" классында Риналь Сабиров дүртенче урынны алды, Алмаз Ахмедов өченче призлы урында финиш ясады."125-А" классында Сарман гимназиясенең тугызынчы сыйныф укучысы Айрат Фәрхетдинов дүртенче килде. Бу класста Сарман районы егете, Әлмәт политехника техникумы студенты Илһам Шакиров җиңү яулады.Сарман аграр көллияте укучысы Рәмис Хәбибуллин "125-Б" классында өченче булды, ә безнең район егете Айдар Әюпов (Кама дәүләт автомеханика техникумы студенты) беренче урынга лаек булды."Honda GX 200" классында шулай ук Сарман егете җиңде – Риналь Сабиров финиш сызыгын беренче булып кисте.Гомумкоманда зачетында Сарман районының ике командасы да призлы урыннарны алды. "Станция юных техников" балаларга өстәмә белем бирү учреждениесе командасы 289 очко белән XII Республика Беренчелегендә җиңде, "Ялкын" командасы 230 очко белән өченче булды. Шуны әйтеп үтәргә кирәк, картинг буенча мондый югары күрсәткечләргә Сарман районы 2009 елдан бирле ирешмәгән иде.

Бер очрашу-үзе бер гомер

Админ — Fri, 17 Jan 2014 12:42:28 GMT

"Читтә кала алмамын”

Синдә яшьлек язларым,

Синдә – башлап язганым.

Уйларымны гел тартасың,

Ахры, тартып кайтартасың,

Читтә кала алмамын,

Сарманым!” – дип язган якташыбыз – СССР Язучылар берлеге әгъзасы, Татарстанның атказанган мәдәният хезмәткәре, Рафаэль Төхвәтуллин исемендәге әдәби премия лауреаты шагыйрә Клара Булатова. Чыннан да, Клара апабыз туган ягы белән элемтәсен өзми: һәрвакыт якташларының хәлләре белән кызыксынып тора, очрашуларга кайта. 16 гыйнварда "Сарман" кинотеатрында ул өлкәннәр һәм укучылар белән очрашты. Якташларына ул иҗаты турында сөйләсә, укучылар аның шигырьләрен укыдылар, Раилә Асанова, Риф Вәлиев шагыйрә сүзләренә язылган җырларны башкардылар, Илгизә Сәлахова шагыйрәнең берничә шигырен укып үтте. $CUT$ Валентин Кузьмин исә очрашуга "күчтәнәч” белән килгән – үзе язган җырларны бүләк итте. Очрашуда катнашучылар район үзәк китапханәсе хезмәткәрләре шагыйрә иҗатына багышлап төзегән китап күргәзмәсе белән дә таныша алдылар. Үзәкләштерелгән китапханәләр системасы директоры Роза Гайфуллина, шагыйрәгә иҗаты өчен рәхмәт белдереп, очрашу истәлеге тапшырды. Район ветераннар советының мәдәни эшләр буенча җитәкчесе Нурсинә Хәйруллина мондый очрашуларның дәвамлы булачагын әйтте.

Әлмәт муниципаль институты инде берничә ел рәттән Клара Булатова премиясенә конкурс үткәрә. Анда фәнни эшләре, үзләре иҗат иткән шигырьләре белән район укучылары да актив катнаша. Шагыйрә, башка китаплары белән бергә, очрашуга шул эшләр кертелгән җыентыкны да алып килгән иде.

Якташыбыз быел үзен Габдулла Тукай премиясенә тәкъдим итүен дә хәбәр итте. Гомер буе халкына хезмәт иткән, 42 китап авторы Клара апабыз бу хөрмәткә, әлбәттә, лаек. Аңа уңышлар телибез һәм яңа очрашулар көтеп калабыз.

Очрашу мизгелләрен сез түбәндәге сылтама буенча кереп карый аласыз: http://sarmanyaq.ucoz.ru/photo/klara_bulatova_bel_n_ochrashu_2014/12

Сездә ничек? Бездә шулай!

Админ — Sat, 11 Jan 2014 04:05:36 GMT

Сездә ничектер, ә менә бездә Яңа ел бәйрәме алдыннан кар сыннары ясау матур традициягә әйләнеп китте. Мәктәп укычылары да, оешма җитәкчеләре дә бик теләп әлеге чарада катнашалар. Дөрес, быел һава шартлары гына бераз уңайсызлык тудырды: көннәр кинәт җылытып җибәреп, буяуларыбыз ямьсезләнде. Ләкин бу кытыршылык районыдашларыбыз күңеленә тәэсир итмәде: кәефләребез күтәренке, күңелләребез көр иде. Без ясаган кар сыннарын күрәсегез килеп киттеме? Рәхим итегез!

Сарманда "Кыш Бабай остаханәсе" дип исемләнгән мастер-класс узды

Админ — Sat, 11 Jan 2014 03:47:46 GMT

Сарман Бөек Ватан сугышы һәм туган якны өйрәнү музеенда "Кыш Бабай остаханәсе" дип исемләнгән мастер-класс узды. Аны Яр Чаллы шәһәре рәссамнар берләшмәсе әгъзалары Илһам һәм Светлана Дияровлар үткәрделәр. Кыш Бабай остаханәсендә олысы да, кечкенәсе дә "Могҗизалар илендә" дип аталган күргәзмә белән таныштылар, чүлмәк ясау җайланмасында төрле әйберләр ясадылар, аларны бизәкләделәр һәм үзләренә истәлеккә алдылар. Әлеге чара "Комнан могҗизалар" проекты кысаларында үтте. Музейга аны үткәрергә Сарман гимназиясе ярдәм итте.

Сарманда чемпионнар кою остасы яши

Админ — Sun, 22 Sep 2013 13:31:37 GMT

Укытучы булса, шундый булсын: сокланырлык, хөрмәтләрлек, аның белән горурланырлык, аны һәрчак искә алырлык. Шундый укытучы дип мин Сарман урта мәктәбендә утыз биш елдан артык физик тәрбия дәресләрен алып баручы, үз эшенә җаны-тәне белән бирелгән яраткан мөгаллимебез Сафин Фәрит Газыйм улын атар идем. Укытучы һөнәренә хас булырга тиешле яхшы сыйфатларның барысын да үзендә җыйган кадерле укытучым ул минем. Аның кебек мөгаллимнәр, мөгаен, йөз елга бер генә туалардыр, әле аны алыштырырдайлар юктыр кебек. Ул –хезмәтенә чын-чынлап гашыйк, көнне-төнне, алны-ялны белми, мәктәптән кайтып керми торган, укучылар өчен барысын да эшләргә әзер булган укытучы. Укучылар арасында уздырылучы спартакиадаларда беренчелекне менә утыз биш ел инде безнең мәктәпнең яшь спортчылары кулдан ычкындырмый икән, бу – Фәрит абыйның зур тырышлыгы, көч куюы, казанышы. Күпме укучыда спортка мәхәббәт уяткан, күпмеләрдә спортчы талантын ачкан, күпмеләрне чемпион дәрәҗәсенә күтәргән ул! Аларны түзем, сабыр, нык булырга өйрәткән. $CUT$ Фәрит абый беркайчан да тавышын күтәрмәс, ямьсез-дорфа кыланмас. Ул – сизгер психолог та, киңәшче дә, һәрчак ярдәм кулы сузарга әзер иптәш тә. Фикерен дөрес җиткерә белүе, турылыгы, гомумән, эчке матурлыгы белән үзенә тартып тора ул. Укытучы иртән сәгать 7дән кичке сәгать 8гә кадәр – спортзалда, спорт мәйданчыгында, чаңгы үзәгендә укучылары белән бергә. Укучылары арасында аның һөнәрен сайлаучылар да күп. Ә күп укучылары, төрле тармакларда хезмәт куйсалар да, һаман да җиңел атлетика, чаңгы, волейбол, баскетбол ярышларында теләп катнашалар. Миндә дә спортка мәхәббәтне Фәрит абый тәрбияләде. Аның киңәшләре, инде ничә еллар үтсә дә, истән чыкмый, һәм бүгенге тормышта да әледән-әле шуларга таянам. Сәламәт тәндә – сәламәт акыл, дигән әйтемне үз девизы итеп алган тырыш, булган укытучыбызның гаиләсе дә – күпләргә үрнәк. Тормыш иптәше, үзе кебек үк мөгаллимә Рәзинә апа белән матур тормыш корган, берсеннән-берсе акыллы балалар – Айрат белән Дилбәрне үстергән кеше ул Фәрит абый. Мәртәбәле укытучы, ир-егет үрнәге, таң калып сөйләрлек яхшы күңелле кеше булган Фәрит абый алдында, рәхмәтемне әйтеп, баш иям. Алдагы гомер юлы да бары тик шатлыклардан гына торсын, бәхете янәшәсендә йөрсен. Ул безгә һәрвакыт кирәк. Ул булгач, һәрчак рәхәт .

Универсиада уты - бездә!

Админ — Sat, 22 Jun 2013 09:26:58 GMT

XXVII Бөтендөнья җәйге студентлар уеннары Татарстан буенча үзенең хәрәкәтен дәвам итә. Бүген Универсиада -2013 уты Сарманга килеп җитте. Сарман аграр көллияте тулай торагы бинасы янына эстафетага старт бирелү тантанасына сарманлылар, оешма-предприятие, мәктәп коллективлары, мәртәбәле кунаклар, массакүләм мәгълүмат чаралары вәкилләре һәм, әлбәттә, әлеге истәлекле вакыйганың төп геройлары - факел йөртүчеләр җыелган. Бәйрәм рухы өстәп, Юнилар күңелләрне күтәреп йөри. Безгә Универсиада уты Әлмәт шәһәреннән килде. Утны саклаучыларны сарманлылар зур алкышлар белән каршы алдылар. Аларны муниципаль район башлыгы Нәфис Закиров, ТР буенча Табигатьтне саклау өлкәсендә Федераль күзәтчелек хезмәте идарәсе җитәкчесе урынбасары Рөстәм $CUT$ Сәлахетдинов, район Башкарма комитеты җитәкчесенең социаль мәсьәләләр буенча урынбасары Индира Сәхипова, аграр көллият директоры Зөбәер Әһелтдинов, спорт ветераны, чаңгы буенча район, республика җиңүчесе, Бөтенрәсәй ярышлары катнашучысы Нәфис Мәхмуров сәламләделәр. Эстафета 11 этапта үтте. Иң соңгысын район башлыгы Нәфис Закиров төгәлләде. Тантана Ял паркында дәвам итте. Барлык факел йөртүчеләр сәхнә түренә үттеләр, Нәфис Касыймовичның сәламләвеннән соң, символик факел тапшырылды. Универсиада-2013 уты Мөслимгә юл алды. Тарихка кереп калучы әлеге зур вакыйганың шаһитлары булуыбыз белән без чиксез горурланабыз. Тамаша вакытында төшерелгән фотоларны фотоальбомнар бүлегенең универсиада дип исемләнгән папкадан карый алсыз.

Сарманлылар Магнитогорск Сабан туенда катнаштылар

Админ — Wed, 19 Jun 2013 16:29:50 GMT

15 нче июньдә Сарман районы делегациясе Чиләбе өлкәсенең Магнитогорск шәһәре Сабан туенда катнашты. Аны муниципаль район башлыгы Нәфис Закиров һәм район Советы аппараты җитәкчесе Фәндәс Вәлиев җитәкләде. Мәдәният бүлеге мөдире Гөлназ Латыйпова, яшьләр һәм спорт бүлеге мөдире Булат Әхмәдуллин җитәкчелегендә районыбызның сәнгать һәм спорт осталары уңышлы чыгыш ясадылар. Магнитогорск Сабан туе быел милли бәйрәмебезне оештыручыларның берсе булган Шәһәр үзәк ярминкәсенең 20 еллыгына багышланды.